Laurdag 08.06.2024

Comeback for Hildegunn & Leif-Per Moltubakk!

Den eksentriske husmora frå Ulsteinvik og taxisvogeren hennar er tilbake på norske scener! Mykje har skjedd i livet til Hildegunn sidan sist – ho er skilt, ho er blitt bestemor til sju, ho har deltidsjobb på Cubus – og har endeleg greidd å fullføre ei etterlengta coach-utdanning. I tillegg vaskar ho framleis kleda til eksmannen sin.

Leif-Per køyrer framleis drosje, men trass i at han har fått installert vakuumtoalett på hytta si er han likevel singel.

Det er berre å belte seg fast for dramatikk, komikk og musikk – i eit heilaftans show som ikkje liknar så mykje anna!

Landsbyhuset Breidablik inviterar til heilaftans arrangement!

Kl. 19:00: Dørene opnar. Sal og servering av vin, øl, mineralvatn pizza og snacks.

Kl. 20:00: Show med "Hildegunn & Leif-Per" (ca. 1 time og 20 min).

Kl. 21:30: Sal og servering av vin, øl, mineralvatn pizza og snacks.

Kl. 00:30: Dørene stengjer.

Salen er rigga med småbord i grupper og du får tilvist plass. Alle som kjøper billett i lag, vert plasserte i lag. Send epost til harald@lbhbreidablik.no for ynskje om plassering i grupper.

Det er skjenkeløyve på arrangementet.

18-års aldersgrense.

Gursken skulekorps arrangerar vårkonsert i Landsbyhuset Breidablik

Laurdag den 13.04.2024 kl. 15:00.

Til oss - fra de eldste 
Ikkje gløym å danse 

Bli med Astrid Overaa på ei forteljing om livet og alt vi må gjere før vi trur det er for seint. Framsyninga er ei bridgeblanding av song og musikk, latter og ettertanke. Historiene er henta frå Linn Skåber si populære bok Til oss – fra de eldste, og Astrid sine eigne betraktninger om å eldast. 

“Dei gamle bør vere meir med dei yngre, slik at dei yngre blir betre yngre, og dei gamle betre gamle”.  

I framsyninga får vi høyre ulike historier frå levde liv. Nokon saknar ein å sitje på verandaen med og drikke Irish Coffee, og mange lengtar etter vener og familiemedlemmar som har gått bort. Nokre har byrja å gløyme, medan andre finn kjærleiken i godt voksen alder. Om dei tør, då. Og nokon ønskjer seg rett og slett ei bruksrettleiing, frå Claes Ohlson eller Gud eller kven som helst som har det, på korleis leva som gammal.          

“Å sjå seg i spegelen er ei overrasking kvar dag. Man forventar å sjå seg sjølv, og så kiker ei ukjend gammal dame på deg”.                           

Astrid Overaa og Linn Skåber har jobba tett saman i mange år, mellom anna med Linn som tekstforfattar for suksessframsyninga S - M - XL. For nokre år sidan fabulerte dei saman rundt livet, døden, kjærligheten - og kommande prosjekt. Etter dette har Linn utgjeve fleire bøker, kor den nyaste er «Til oss - fra de eldste». «Eg ELSKER bøkene til Linn Skåber! Og no er eg så heldig at eg får gjere nokre av tekstane hennar til mine», seier Astrid.  

“Tenk korleis nokre tilfeldige møte med menneske på ein fest i 40-åra kan bli det du gledar deg mest til på ein vanleg torsdag ettermiddag i 80-åra”. 

Framsyninga passar for gamle og unge – og gjerne gamle og unge saman.